Menlapen Kinikin 1

Ewe Paipel a poputá ren pwóróusen án Kot féri masouen láng me fénúfan mi fókkun lingéch. Iká en emén sam are in, álisi noum we le katol ekkewe sókkopaten mettóch mi amwarar lón férien Kot kewe. Áweweei ifa ussun Kot a féri aramas pwe repwe sókkóló seni ekkewe man. A fang ngenikich ewe tufichin fós, tufichin ekiek, tufichin féraatá mettóch, tufichin kél, me iótek. Ámááraatá an aúcheani án Jiowa manaman me tipáchem me ákkáeúin an tong fán iten férian kewe meinisin kapachelong emén me emén kich.