Menlapen Kinikin 6

Atun ekkewe chón Israel ra tori ewe Fénúen Pwon, ewe imwenfel mangaku a wiliiti iolapen ewe fel mi enlet ikena. Ekkewe souasor ra áiti ekkewe aramas ewe Allúk, me ekkewe soukapwúng ra emmweni ewe mwú. Ei kinikin epwe áweweei ifa ussun minne emén a féri me an kefil a tongeni kkúú ekkewe ekkóch. A lamot emén me emén ekkewe chón Israel epwe túppwél ngeni Jiowa me ngeni chón órun kewe. Menlapei ifa ussun féfférún Tepora, Naomi, Josua, Hana, néún Jefta we nengngin, me Samuel a álisi ekkewe aramas lón leenier kewe. Menlapei pwe pwal mwo nge chókkewe esap iir chón Israel, áwewe chék ren Reap, Rut, Jael, me pwal ekkewe chón Kipeon ra filaatá le peni ekkewe chón Israel pokiten ra silei pwe Kot a nónnóm rer.