Menlapen Kinikin 7

Lón ei kinikin a apwóróusa met a fis lón ina epwe 80 ier lemanawen King Saul me King Tafit. Me akkomwan, Saul a tipetekison me niwokkusiti Kot, nge ekiseló mwirin a siwil me ese chúen mochen álleasochisi án Jiowa emmwen. Jiowa a likitaaló i, me mwirin och fansoun a éúréúra Samuel an epwe epiti Tafit pwe epwe wiliiti ewe kingen Israel mwirin. Saul a lólówóiti Tafit me fán chómmóng a sótun nieló, nge Tafit ese liiwini ngeni met a féri. Néún Saul we át itan Jonatan a silei pwe Jiowa a filaatá Tafit, ina popun a túppwél ngeni Tafit. Tafit a féri ekkóch tipis mi chou, nge ese tunaaló án Jiowa kapasen apwúng. Iká en emén sam are in, álisi noum we le kúna lamoten ach álisaatá án Kot kókkót.