Achocho le Achchúngú ewe Letip

Än Salomon Fos 3:1

MENLAPAN: Álisi ekkewe chón aúseling ar repwe weweiti aúchean minne ra káé me anganga.

MINNE KOPWE FÉRI:

• Álisiir ar repwe etittina met a amwékútúúr le féri och mettóch. Eáni kapas eis epwe álisi ekkewe chón aúseling ar repwe pwisin etittina meefien letiper.

• Amwékútú letiper. Pesei ekkewe chón aúseling ar repwe etittina ika pwata ra eáni ekkewe féffér mi múrinné. Álisiir pwe ar féri minne mi múrinné epwe pop seni ar tongei Jiowa, tongei aramas, me aúcheani minne Paipel a asukula. Álisiir ar repwe mirititi pwata a kon múrinné minne Paipel a apasa, nge kosap nikinikin meilap ngeniir. Lupwen ka tikeri lesópwólóón óm afalafal, itá repwe fen meefi péchékkúl nge esap sáw, me repwe pwisin mochen achochotá úkúkún ar tongeni.

• Álisiir ar repwe nefótófót wóón Jiowa. Menlapei ifa usun án Paipel kewe asukul, kapasen emmwen, me allúk ra pwáraatá napanapen Kot kewe me an tongekich. Ámááraatá lón letipen ekkewe chón aúseling ewe memmeefin mochen silei meefien Jiowa me mochen apwapwaai i.