LIWINITI
LESEN 9
Meefieni Meefien Aramas
Kapasen Emmwen: “Oupwe eti ekkewe mi pwapwa le pwapwa, eti ekkewe mi kechiw le kechiw.”—Rom 12:15.
Minne Jises A Féri
1. Katol ei VIDEO, are álleani Mark 6:30-34. Mwirin pwóróusfengen wóón ekkeei kapas eis:
Pwata Jises me néún kewe aposel ra mochen nóm lón eú leeni nge “epwe chék iir”?
Met a amwékútú Jises an epwe asukula ewe mwichen aramas?
Met Sia Káé Seni Jises?
2. Sia mochen áiti ngeni aramas ewe kapas allim nge pwal mochen álisiir.
Áppirú Jises
3. Aúselingéch. Mut ngeni ewe emén an epwe erenuk meefian. Kosap pékúoló an fós, are mwittir tunaaló meefian me met a eáni lólilen, are an kapasen eppet. Lupwen ka aúselingéch ngeni, ka pwáár ngeni pwe ka áfánni met a eáni ekiek.
4. Ekieki ussun ewe emén mi mochen aúseling ngonuk. Alóngólóng wóón met ewe oua pwóróusfengen wóón, pwisin eisinuk:
‘Pwata a lamot an epwe silei ewe enlet?’
‘Ifa ussun an káé Paipel a tongeni émúrinnéló manawan iei me pwal lón fansoun mwan?’
5. Pwóróusfengen wóón ekkewe mettóch mi tongeni álisi. Achocho le mwittir áiti ngeni ifa ussun an káé Paipel a tongeni pélúweni an kewe kapas eis me álisi lón sókkopaten napanap.