Tipepwora

Minne Jises A Féri

VIDEO: Jises A Éúréúra Emén Sounemenem Alúwél mi Pisekisek

1. Katol ei VIDEO, are álleani Mark 10:​17-22. Mwirin pwóróusfengen wóón ekkeei kapas eis:

1. Menni napanap mi múrinné eli Jises a kúna seni ewe alúwél sounemenem?

2. Pwata a lamot ngeni Jises tong me pwora lón an éúréúra ewe alúwél?

Met Sia Káé Seni Jises?

2. A lamot sipwe pwáári tong lón ach fós ngeni néúch kewe chón káé, nge pwal affataéchú ngeniir met a lamot repwe féri pwe epwe tongeni lapóló ar ririéch ngeni Jiowa.

Áppirú Jises

3. Álisi noum we chón káé le isettiw met epwe achocho ngeni me tikeri.

1. Áeá ewe kinikin “Achocho Ngeni” lón eú me eú lesen lón ewe puk Eáni Manaw mi Pwapwa Tori Feilfeiló!

2. Álisi noum we chón káé an epwe esilla met ekkewe mi lamot epwe féri pwe epwe tikeri ekkewe mettóch a achocho ngeni mi mecheres le tikeri me ekkewe mi ekis ttam me mwen an epwe tikeri.

3. Apúnga noum we chón káé iteitan ren an feffeitá.

4. A lamot kopwe silei met a eppeti noum we chón káé an epwe feffeitá, me álisi an epwe okkufu.

1. Pwisin eisinuk:

   • ‘Iká nei we chón káé ese feffeitá ngeni an epwe fich ngeni papatais, met a eppeti?’

   • ‘Met úa tongeni féri pwe úpwe álisi?’

2. Iótek me tingor óm pwora le affataéchú ngeni noum we chón káé met mi lamot epwe féri, nge kopwe féri ena fán tong.

5. Úkútiw le káé ngeni ewe chón káé ese feffeitá.

1. Ekieki iká noum we chón káé mi feffeitá ren óm pwisin eisinuk:

   • ‘Nei we chón káé mi apwénúetá met a kákkáé?’

   • ‘Mi kan fiffiti ekkewe mwiich me áiti ngeni ekkewe ekkóch ewe enlet?’

   • ‘Iká a fen káé ren fansoun langattam, mi mochen wiliiti emén Chón Pwáraatá Jiowa?’

2. Iká emén chón káé ese feffeitá:

   • Ereni an epwe ekieki iká met a eppeti an epwe feffeitá.

   • Fán kirekiréch, áweweei ngeni popun kosap chúen sópweeló óm káé ngeni.

   • Ereni met mi lamot epwe féri iká a mochen káésefál.