ÁN PAIPEL KEWE KAPAS EIS RA PÉLÚ
Mi tufich an epwe wor manaw esemuch?
Ewe áeménún mwán itan Atam a manaw ren fitepúkú ier. Iwe nge a chinnapeló me máló. Seni ena fansoun aramas ra sótuni sókkópaten mettóch pwe resap tongeni chinnap, iwe nge ese mwo wor emén a tongeni sú seni máló. Pwata? Atam a chinnapeló me máló pokiten a tipis ren an álleasolapa Kot. Sia pwal chichchinnapeló pokiten sia álemwiri seni Atam tipis me liwiningawan we, máló.—Álleani Keneses 5:5; Rom 5:12.
Ren ach sipwe pwapwaiti manaw esemuch, a lamot emén epwe awora och ‘penmanau’ are méén kepich fán itach. (Hiop 33:24, 25) Méén kepich ina och liwin mi tongeni angasaaló emén, nge ren kich a lamot ach sipwe ngaseló seni máló. (Ekistos 21:29, 30) Jesus a watiw ena liwin atun a máló fán itach.—Álleani Johannes 3:16.
Ifa usun sipwe tongeni kúna manaw esemuch?
Esap meinisin aramas repwe ngaseló seni riáfféún semmwen me chinnap. Ren chókkewe mi álleasolapa Kot, usun chék Atam, epwe fen péút seniir ewe feiéchún manaw. Chókkewe chék mi kúna musolóón ar tipis repwe pwapwaiti ewe manaw esemuch.—Álleani Aisea 33:24; 35:3-6.
Ren an epwe musoló ach tipis, a lamot sipwe mwékút. A lamot sipwe sissileeló Kot ren ach kákkáé án we kapas, ewe Paipel. A áiti ngenikich ifa usun sipwe pwapwaiti ewe esin manaw mi múrinné me ifa usun sipwe kúna án Kot chen me ewe manaw esemuch.—Álleani Johannes 17:3; Föför 3:19.