Met Sipwe Apasa Usun Ekkewe Puk

Ewe Leenien Mas November 2010

“Aramas meinisin mi sokkofesen ar lamalam ra kan ikkiotek. Ka ekieki pwe Kot a wesewesen aüseling me pölüweni iotek? [Aüseling ngeni meefian.] Ewe Paipel a pesekich pwe sipwe iotek. [Älleani Filipai 4:6, 7.] Ei Leenien Mas epwe äiti ngenikich ifa usun ewe Paipel a pölüweni nimu kapas eis aramas ra ekkeis usun iotek.”

Ewe Leenien Mas November 2010

“Atun aramas ra eäni ewe iotekin ‘Ach Samol,’ ra pwal ioteki pwe mwuun Kot epwe feito. Met ka ekieki epwe fis atun mwuun Kot epwe war? [Aüseling ngeni meefian.] Ewe Paipel a erenikich pwe epwe fis chommong mettoch mi amwarar. [Älleani Aisea 25:8.] Ewe lesen lon pekin taropwe 7 epwe äweweei met mwuun Kot epwe föri.”

Ewe Leenien Mas December 2010

“Kich meinisin sia mochen meefi menemenöch. Ka ekieki pwe moni a ämenemenöchükich? [Aüseling ngeni meefian.] Emön chon makkeei Paipel a käeö ifa usun epwe menemenöch ren minne a nom ren. [Älleani Filipai 4:11, 12.] Ei puk epwe äiti ngenikich nimu mettoch ra ämenemenöchükich mi mak lon ewe Paipel.”

Ewe Leenien Mas December 2010

“Ka ekieki pwe a wekkeiresilo än ekkewe sam me in äiti nöür kewe le manaueni manau mi limöch? [Aüseling ngeni meefian.] Än Kot we kapas a äweweei ewe popun a weires. [Älleani 2 Timoti 3:1, 3.] A mmen weires ngeni ekkewe sam me in ar repwe fos ngeni nöür kewe usun ewe föfför lefilen mwän me fefin. A wor kapasen emmwen ren met ra tongeni föri lon pekin taropwe 18 lon ei puk.”