Iei Met Sipwe Tongeni Apasa

Le Poputääni Käeöön Paipel lon ewe Äeüin Ammol fän November

Äiti ngeni ewe chon imw lükün pöön ewe puk me apasa: “Ifa usun kopwe pölüweni ei kapas eis?” Aüseling ngeni pölüwan. Iwe mwirin, ngeni eü kapiin Ewe Leenien Mas, minen October 2011, pworausfengen woon parakraf 1 me 2 lon pekin taropwe 7, me älleani eü ika ruu wokisin. Anöünöü ngeni Ewe Leenien Mas me akkota ineet kopwe liwinsefäl pwe oupwe sopwelo woon pwal eü pworaus.

Ewe Leenien Mas October 2011

Äiti ngeni ewe chon imw lükün pöön ewe puk me apasa: “Ifa usun kopwe pölüweni ei kapas eis?” [Aüseling ngeni pölüwan.] Nengeni met ewe Paipel a apasa. [Älleani 1 Jon 5:19.] Me ren ei wokisin, “ewe mi ngau” are ewe Tefil, a nemeni ei fönüfan. Nge a piitä ekkoch kapas eis. Ia ewe Tefil a feito me ia? I wesewesen emön? Epwe ifa ükükün ttamen än Kot mut ngeni an epwe nemenem? Ei puk epwe äiti ngonuk met ewe Paipel a apasa.”

Ewe Leenien Mas October 2011

“Aramas meinisin ra kan kükküna osukosuk lon manauer. Fän ekkoch, usun itä nge ese chüen wor met aramas repwe tongeni föri le ataweei ar kewe osukosuk. Lon ena esin fansoun, ka meefi pwe sipwe tongeni kul ngeni Kot, iwe, epwe aururukich? [Aüseling ngeni pölüwan.] Nengeni met ewe Paipel a äiti ngenikich. [Älleani 2 Korint 1:3, 4, mwirin äiti ngeni ewe pworaus mi poputä lon pekin taropwe 24.] Ei pworaus a äiti ngenikich seni ewe Paipel usun met sipwe föri pwe sipwe tongeni küna auruur seni Kot lon fansoun mi lamot ngenikich.”