Sipwe Pwapwaiti Ach kewe Köl ngeni Jiowa

Nöün Jiowa kewe chon angang ra meefi pwe nikättik, eü liffang mi echipwör seni Jiowa. (Jem. 1:17) Chommong mwichefel ra kan ettiki ach kewe köl mwen poputään me mwirin särin ar kewe mwich. Ach ettiki nöüch kewe nikättik a etiwakicheto ngeni ach mwich ren an ekinamwei letipach. A älisi ekiekich le mmolnetä ngeni ach fel. Pwal eü, ach aüseling ngeni ekkewe mineföön nikättik seni nöüch we mineföön puken köl epwe älisikich le sileöchü pwöküpwökün ach kewe köl. Ttikin ekkena nikättik särin ach kewe mwich a kan apöchökkülatä ach chiechiöchfengen me pwiich kewe. Ekkewe mwichen elter repwe akkota ettikin ekkewe nikättik seni Sing to Jehovah​—Piano Accompaniment mwen me mwirin särin ach kewe mwich. Repwe tümünü pwe esap kon leüwommong pwe ete äweiresi ach pwoppworausfengen.