“Ese Tongeni Nónnóm Atun Ua Ló Chuuri!”

Ka fen erá ena fán iten emén mi pwapwaiti le aúseling? Inaamwo ika ka sótun lilliwiniti ena aramas, nge kese tongeni atútúúi ewe pwikilin enlet ka fen fótuki. (1 Kor. 3:6) Fán ekkóch, ekkewe chón afalafal mi lipwákéch ra mak taropwe ngeni ewe emén ese tongeni nónnóm atun ra ló chuuri, are likiti eché taropwe wóón asaman we. Ekkóch chón afalafal ra silei weiresin ar repwe tongeni chuursefáli aramas lón imwer kewe, iwe ra tingor nampaan néúr phone, eli ren ar eis, “A wor noum phone?” Pwal ina eú return visit atun ka chuuri ewe aramas are afalafal ngeni ren óm mak taropwe, e-mail, text, ika eché taropwe ka likiti wóón asaman we are fós ngeni wóón phone. Pún ikaamwo fán ekkóch chék a kan nóm lón imwan nge mi tufich ach sipwe alapaaló an pwapwaiti ewe enlet.