Ámúrinnééló Tufichich lón ewe Angangen Afalafal ren Ach Akkanéúnéú Mineféén Magazine Ngeni Emén

Pwata A Lamot: Chómmóng aramas ra pwapwaiti le álleani néúch kewe magazine nge rese mochen káé Paipel rech. Neman ra chék menemenéch ren ar lamalam, are ra ekieki pwe ese wor ar fansoun le káé. Iwe nge, atun ra álleani néúch kewe magazine iteitan, a tongeni efisi ar mochen káé án Kot we Kapas. (1 Pet. 2:2) Eú lesen a tongeni kkúú letiper, are nónnómun manawer a ekkesiwil. Ach chuchchuuriir iteitan nge lón chék fansoun mwochomwoch, a tongeni efisi ar repwe meefi kinamwe rech, me epwe pwal álisikich le silei met ra sani me met ra aúreki. Ló, ló, ló, eli sia tongeni poputá le káé ngeniir Paipel.