Social Networking​—Túmúnuk Seni Efeiengawan

PWATA A LAMOT: Chómmóng pisekin angang ra tongeni álilliséch me ra pwal tongeni efeiengaw. Pwal ina chék usun ren social network. Ekkóch Chón Kraist ra filatá ar resap áeá social network. Nge ekkóch ra áeá pwe repwe pwóróusfengen me ar famili me chiechier kewe. Iwe nge, ewe Tefil a mochen ach sipwe áeángawa social network, iwe epwe tongeni efisi itengawach me atai ach riri ngeni Kot. Usun chék Jesus, sia tongeni fiti ekkewe kapasen emmwen seni án Kot we Kapas pwe sipwe esilla ekkewe minen efeiengaw me túmúnúkich seniir.​—Luk 4:4, 8, 12.

EFEIENGAW KOPWE TÚMÚNUK SENI:

• Áeáán watteen fansoun. Ach néúni fite fite awa wóón Internet ren social network are social media a tongeni asolapaaló ewe fansoun itá sipwe áeá fán iten ach angang ngeni Kot

  Kapasen emmwen: Ef 5:15, 16; Fp 1:10

• Katol me állea mettóch mi ngaw. Ach katol ekkewe sasing mi ngaw a tongeni emmwen ngeni umwesimwesin sasingin me kachitoon kapasingaw are lisowumwáál. Ach álleani ekkewe pwóróus seni chón rikiló a tongeni atai ach lúkú

  Kapasen emmwen: Mat 5:28; Fp 4:8

• Waalong pwóróus are sasing ese fich. Pokiten ewe letip a otuputup, neman emén epwe mochen waalong kapas are sasing ese fich lón ewe social network. Iwe nge, ei epwe tongeni efisi itengawen ena aramas are áchepeteki ekkewe ekkóch

  Kapasen emmwen: Ro 14:13; Ef 4:29

KATOL EWE VIDEO BE SOCIAL-NETWORK SMART, MWIRIN PPII IFA USUN KOPWE TÚMÚNUK SENI EKKEEI METTÓCH: