Ié Kewe Ka kan Chiechi Ngeniir Online?

Ewe mettóch chiechi a wewe ngeni “án emén pacheéch ngeni pwal emén pokiten tong me súfél.” Áwewe chék, ewe ririin chiechi mi péchékkúl lefilen Jonatan me Tafit, a poputá mwirin án Tafit nieló Koliat. (1Sa 18:1) Emén me emén iir ra eáni ekkewe napanap iir me rúúemén ra aúcheani. Ina minne ar chiechi mi péchékkúl a lóngólóng wóón sile mi enlet. Ika sia mochen sissileeló emén, a lamot fansoun me ach sipwe achocho le sissilei i. Iwe nge, lón ekkewe social network, a mecheres án emén epwe chiechi ngeni emén ren an chék ttiki och me wóón néún we mechá. Pokiten ekkewe aramas online ra tongeni akkóta met repwe apasa me nemeni met pwóróuseer epwe pwá ngeni aramas, iwe a mecheres ar repwe túkúmaaló ika iir wesewesen ié. Iwe nge, a múrinné ika kopwe ekiekifichi ié kewe kopwe etiwer pwe óm friend. Ika emén kese wesewesen sissilei a request ámi oupwe friend, kosap pireir óm kosap etiwa an na request pokiten ka ekieki pwe kopwe eletipengawa. Pokiten social network a tongeni atoto efeiengaw, iwe ekkóch ra filatá ar resap fókkun áeá. Iwe nge, ika ka filatá óm kopwe áeá, met a lamot kopwe chechchemeni?

KATOL EI VIDEO BE SOCIAL-NETWORK SMART, MWIRIN PÉLÚWENI EKKEEI KAPAS EIS:

• 

  Pwata a lamot kopwe akkomw ekiek me mwen kopwe post sasing me memmeef?

• 

  Pwata a lamot óm kopwe túmúnúéch lón óm kefil chiechiom online?

• 

  Pwata a lamot kopwe aúkúkú ewe fansoun ka áeá wóón social network?​—Ef 5:15, 16