Ewe Fénúfan A “Oromalo ewe Chanpupu”

Seni lóóm néúwisin mwú ra kan álisi néún Jiowa kewe aramas. (Esr 6:1-12; Est 8:10-13) Pwal mwo lón ach ei fansoun sia kúna pwe “ewe fonufan,” weween ekkewe néúwis mi tipemecheres ngeni ach angang, iir ra oromaaló ‘ewe chanpupuun’ riáfféúmwáál “ewe traikon,” Satan ewe Tefil a efisatá. (Pwä 12:16, TF) Jiowa, i ewe ‘Kot mi amanaua’ aramas neman epwe amwékútú ekkóch néúwisin mwú ar repwe angasaaló néún kewe chón angang.​—Kf 68:20; SF 21:1.

Iwe, met ika ka kalapus pokiten óm lúkú? Kosap tipemwaramwareiti án Jiowa silei nónnómum iei me an afaanuk. (Ken 39:21-23; Kf 105:17-20) Kopwe lúkúlúk pwe kopwe kúna feiéch pokiten óm lúkú, me óm tuppwél a apéchékkúla pwiich kewe wóón unusen fénúfan.​—Fp 1:12-14; Pwä 2:10.

KATOL EWE VIDEO KOREAN BROTHERS RELEASED FROM PRISON, MWIRIN PÉLÚWENI EKKEEI KAPAS EIS:

• Pwata fitengeréú Chón Kraist mwán ra kalapus lón South Korea lón ekkewe ier feito?

• Met ekkewe néúwisin mwú ra apwúngaló, nge ra efisi án ekkóch Chón Kraist mwán repwe mwittir musowu seni kalapus?

• Ifa usun sipwe álisi pwiich kewe wóón unusen fénúfan, iir kewe ra kalapus iei pokiten ar lúkú?

• Ifa usun sipwe áeá ei fansoun ese wor pinepinen ach fel ngeni Kot?

• Ié we a wisen efisi ach sipwe winneni ekkewe case lón ewe imwen kapwúng?