Chechchemeni le Ióteki Chón Kraist mi Kúna Riáfféú

Ewe Paipel a oesini pwe Satan epwe eriáfféúkich pwe epwe sótun eppeti ach angangen afalafal. (Joh 15:20; Pwä 12:17) Ifa usun sia tongeni álisi pwiich kewe mi kúna riáfféúmwáál lón ekkewe ekkóch fénú? Sia tongeni iótekiir. “Än eman chon pwüng iotek a manaman o a fokun pwönüetä.”​—Jas 5:16.

Met sipwe tongeni ióteki? Sia tongeni tingorei Jiowa pwe epwe ngeni pwiich kewe tipepwora me álisiir ar resap niwokkus. (Ais 41:10-13) Sia pwal tongeni ióteki ekkewe néúwis pwe repwe tipééch ngeni ach angangen afalafal pwe “sipwe manaueni eu manau fän mosonoson me kinamwe.”​—1Ti 2:1, 2.

Lupwen Paulus me Petrus ra kúna riáfféúmwáál, ekkewe Chón Kraist lón ar na fansoun ra pani iter lón ar kewe iótek. (Föf 12:5; Ro 15:30, 31) Ikaamwo sise silei meinisin iten ekkewe mi kúna riáfféúmwáál lón ei fansoun, nge sia tongeni apasa ar mwichefel, fénúer are leenier.

Makkeetiw iten ekkewe fénú mi wor Chón Kraist ie mi kúna riáfféúmwáál ka mochen iótek fán iter.