Kútta Emmwen mi Múrinné Iteiten Rán Wóón JW.ORG

Án Kot we Kapas a unusen atufichikich le likiitú ngeni ekkewe sóssót sia kúkkúna lón ekkeei ránin lesópwólóón mi áweires. (2Ti 3:1, 16, 17) Nge mi wor atun a lamot ngenikich álillis ren ach sipwe kútta kapasen emmwen seni Paipel mi weneiti nónnómuch. Áwewe chék, en emén sam are in mi kúkkútta kapasen emmwen fán iten kámáárin noum kewe semirit? En emén teenage mi kúkkúna sóssótun óm lúkú? A má ssenúk pwúlúwom me ka fókkun letipeta ren? Kopwe kúna ekkewe minen álillis wóón jw.org repwe áiti ngonuk án Paipel kewe kapasen emmwen mi weneiti nónnómum me a tongeni álisuk lón met ka kúkkúna iei are pwal ekkewe ekkóch mettóch ka osukosuk ren.​—SF 2:3-6.

Ttiki ASUKUL SENI PAIPEL wóón jw.org home page. (Ppii ewe sasing 1.) Fili eú me lein ekkewe pwóróus ka mochen. Are ttiki LIBRARY > ARTICLE SERIES (a kawor lón fósun Merika) me filatá menni itelap ka mochen. (Ppii ewe sasing 2.) Ka pwal tongeni kúna ekkena esin itelap wóón JW Library^®.a Eli kopwe pwal pwapwaiti óm chék katol ekkena pwóróus wóón jw.org me JW Library^®. Pwal eú mettóch ka tongeni féri, taipei lón ewe leenien search wóón jw.org ewe itelap ka mochen kútta.

Taipei ekkeei itelap lón ewe leenien search, me makkeetiw ekkewe lesen ka mochen álleani.

• Ámáárin semirit

• Letipechoun teenage

• Málóón pwúlúwan