Néúnéú ewe Kinikin “Become Jehovah’s Friend” Wóón jw.org lón Óm Afalafal

Ewe “Bible Teachings” wóón jw.org a wor eú kinikin fán iten ekkewe semirit itelapan “Become Jehovah’s Friend” a kapachelong ekkewe kél, video me ekkewe mettóch ra tongeni féri. Ka fen néúnéú ei mettóch lón óm afalafal? Ika ka kákkáé ngeni emén mi wor néún semirit, pwata kese áiti ngeni? Neman a tongeni amwékútú i an epwe pwal katol ekkóch kinikin wóón ach we Web site.

Atun emén mwán Chón Kraist a eineti ewe Kingdom News No. 38, a chuuri emén fefin a mwittir álleani ewe tract atun chék a eiti ngeni. A wor chómmóng semirit a nóm ren me ra mochen katol ewe tract. A chék mwochomwoch án ewe mwán Chón Kraist apwóróusa masouan ewe tract me a itini ach we Web address lúkúnúppan. Pokiten ewe fefin a pwáraatá an mochen aúseling, iwe chienach na a alamota ena fansoun ren an tiki eú me lein videon Caleb kewe me fichi ngeni ewe fefin me néún kewe wóón néún we cell phone.

Emén fefin Chón Kraist a ereni chienan we chón angang mi wor néún semirit usun ach we Web site me ewe pwóróus mi nóm wóón usun famili. Ewe fefin fiti néún kewe ra katol ewe jw.org. Ekiseló mwirin, ewe fefin a ereni chienach na pwe néún kewe ra kan pwelli imwer we me eáni ewe kél “Preach the Word,” eú me lein ekkewe kél mi nóm lón “Become Jehovah’s Friend.”

Kopwe sileéchú ena kinikin lón jw.org me kapiinawu wóón noum mobile device eú me lein ekkewe video, kél are ekkewe mettóch ekkewe semirit ra tongeni féri. Iwe, kopwe mmólnetá le néúnéú ena kinikin lón jw.org lón óm afalafal. A ifa me aúchean ena mettóch pwe epwe álisikich le angang fán iten ewe Samol!​—Föf. 20:19.