Áeá ei Kinikin “Bible Questions Answered” Wóón Ach we Web Site

Lón ewe kinikin “Bible Teachings” lón jw.org a wor “Bible Questions Answered” (Án Paipel Kewe Kapas Eis Ra Pélú). Ika sia fen silei ekkeei kapas eis mi ppiitá fán chómmóng, sipwe tufichin áiti ngeni ewe chón imw ach Web site ren pélúwen ar kapas eis seni Paipel. Pwal eú, sia tongeni áeá eú me lein ekkena kapas eis le poputááni pwóróusfengen, ewe chón ach we leenien afalafal ra mochen silei pélúwan. Eisini meefian, mwirin áiti ngeni pélúwan seni Paipel me apwóróusa ngeni ewe áwewe seni jw.org. Mwirin sia tongeni áweweei are pwár ngeniir ia sia angei me ie ekkewe pwóróus. Ka pwal tongeni mut ngeni an epwe pwisin álleani pélúwan seni ewe Web site. Pwúlúwen emén chónemmwen mi wisen sáifetál a fókkun sópwéch ren an erá: “Chómmóng aramas ra kan ekieki, ‘Kot minne a kan efisi ach riáfféú?’ Ka mochen silei pélúwan lón chék 51 seken?” Iwe a ettiki pélúwan, ewe a fen kapiinawu wóón néún we cell phone. Mwirin a áiti ngeni ewe aramas sópwun 11 lón ewe puk Paipel A Apasa.