Án Chón Pwáraatá Jiowa Web Site, A Ffér pwe Epwe Álisi Meinisin
Jesus a allúkú ngenikich ach sipwe afalafala ewe kapas allim usun ewe Mwú “won unusen fanüfan, pwe epwe eu minen pwärätä ngeni aramas meinisin.” (Mat. 24:14) Ekkewe Web site watchtower.org, jw-media.org, me jw.org ra fférsefál me kochufengen lón ewe jw.org Web site ren an epwe álisikich le ‘unusen apwönüetä wisach.’—2 Timoty 4:5.
“Won Unusen Fanüfan”: Arapakkan esopwun chóchóón chón fénúfan ra áeá Internet. A fen ina populapen alen án chómmóng, nge ákkáeúin ekkewe sáráfé kútta pwóróus. Ach we Web site a awora pélúwen ekkewe kapas eis mi enlet seni Paipel ngeni chókkewe mi áeá Internet. A tongeni ereniir pwóróusen án Jiowa we mwicheich me a mecheres ar repwe tingor eú káéén Paipel ese kamé. Ina minne, ewe kapas allim a tongeni tori ekkewe fénú ikewe ia aramas rese kon rongorong pwóróusen ewe Mwú ie.
“Aramas Meinisin”: Ren án “aramas meinisin” repwe silei ewe enlet seni Paipel, mi fókkun lamot pwe epwe kawor lón sókkópaten fós. Ekkewe chón tétá wóón jw.org ra mecheres le kúna ekkewe pwóróus lón órun 400 fós, lap seni ar kúna me wóón ekkewe Web site meinisin.
Áeáéchú: Fférsefálin ewe jw.org Web site esap chék fán iten an epwe eú minen pwáraatá ngeni ekkewe chón lúkún. A fen ffér fán iten án Chón Pwáraatá Jiowa repwe pwal áeá. Ika mi wor óm Internet, iwe aua peseok óm kopwe cheki jw.org. Ikkeei ekkewe minen álillis ren ifa usun áeáán.
[Lios lón pekin taropwe 3]
(Ren unusen napanapan, ppii ewe puk)
Sótuni ewe jw.org
1 Taipelong www.pr418.com lón ewe address field lón ewe Internet browser lón noum we computer.
2 Katol ewe Web site ren óm tiki ekkewe itelap, menu, option me link.
3 Sótuni le tétá wóón ewe jw.org ren óm néúnéú noum we laptop are eú sókkun cell phone mi wor Internet wóón. Napanapen ewe page epwe kúkkúnúló me wóón nge ewe pwóróus lón usun we chék.