Án Chón Pwáraatá Jiowa Web Site, Áeá lón ewe Angangen Afalafal
Pesei Aramas le Áeá ewe Web Site: Ekkóch rese kan sani le fós ngeni ekkewe Chón Pwáraatá Jiowa are etiwa néúr kewe puk nge ra sani ar repwe silei usur ren ar tétá wóón ewe jw.org lón pwisin imwer kewe. Iwe ika mi fich, sipwe ekkereni aramas usun ewe Web site iteitan.
A Pélúweni Ekkewe Kapas Eis: Fán ekkóch emén chón imw, are emén chienach ika emén mi pwapwaiti le aúseling, epwe eis usun Chón Pwáraatá Jiowa are usun ach kewe lúkú. Mwittir áiti ngeni pélúwan ren óm néúnéú eú sókkun cell phone mi wor Internet wóón are eú computer. Fán chómmóng a mmen éch ach sipwe álleani ekkewe wokisin seni Paipel. Ika ese wor noum laptop are eú sókkun cell phone mi wor Internet wóón, iwe kopwe áweweei ngeni eménnewe ifa usun epwe tétá wóón jw.org pwe epwe pwisin kútta pélúwen an we kapas eis.—Ló ngeni “Bible Teachings, Bible Questions Answered” are “About Us, Frequently Asked Questions.”
Tiinaaló Eú Lesen are Eú Puk Ngeni Emén Ka Sissilei: Waalong lón óm e-mail eú lesen are eú puk mi fen nóm lón PDF are lón ewe EPUB. Are kapiinawu eféú CD usun eú puk are brochure seni ewe mi fen nóm online. Ika kopwe anéúnéú ngeni emén ese papatais unusen eú puk are brochure nge esap chék kinikinin, iwe kopwe apachaalong lón noum repot. Affata ngeni eménnewe pwe en ewe ka tiinaaló ewe pwóróus ngeni are kosap achómmóngaaló ekkewe mettóch kopwe tiinaaló. Sisap kapiinawu me waalong lón pwal eú Internet Web site.—Ló ngeni “Publications.”
Áiti Ngeni Aramas Ekkewe News Minefé Usun Chón Pwáraatá Jiowa: Ena mettóch epwe álisi ekkewe chón káé me pwal ekkewe ekkóch ka chuchchuuriir le alapaaló ar aúcheani ach angang wóón unusen fénúfan me tipeeúin Chón Kraist. (Kölf. 133:1)—Ló ngeni “News.”
[Lios lón pekin taropwe 5]
(Ren unusen napanapan, ppii ewe puk)
Sótuni ewe jw.org
1 Kopwe kútta ewe mettóch ka mochen kapiinawu me tiki ewe minen óm kopwe álleani are ewe minen óm kopwe aúseling lón menni chék napanap ka mochen. Nge kopwe ppii fán ewe itelap “Publications.”
2 Tiki “MP3” pwe epwe pwáwu tettelin ekkewe lesen. Tiki itelapen ewe lesen kopwe kapiinawu are ▸ pwe kopwe aúseling ngeni online.
3 Filatá pwal ewe sókkun fós seni ei list ika ka mochen kapiinawu eú puk are brochure lón ena fós.