Álillisin Áeáán Ach Website

Kútta Ekkewe Lesen Wóón ewe Home Page

Chómmóng pwiich kewe ra áeá lón ewe angangen afalafal ekkewe lesen mi kan katowu lón ewe home page lón ach we jw.org. A mecheres ach sipwe chék ttiin ngeni emén online, me ra kan áweweei usun ekkewe mettóch mi kan fis lón ei fansoun ra apwénúetá án Paipel kewe oesini. Emén chienach a erá pwe ekkewe lesen lón ewe home page, ra fókkun fichiti napanapen ach angangen afalafal lón ei atun.

Nge ekkena lesen lón ewe home page ra kan sissiwil, iwe, ifa usun kopwe kúnasefáli ekkewe rese chúen pwá? Ikkeei met ka tongeni féri pwe kopwe kúna ekkena esin lesen mi kawor lón fósun Merika.

• Lón ewe jw.org home page, tiki ewe link “See More” arap ngeni lepekin me asan, are fatiwen ekkewe lesen fán ewe kinikin “Featured” ika ke néúnéú cell phone. Ika ka tiki ena link epwe pwá ei itelap “Recently Featured on the Home Page,” iwe me ikena ie kopwe kúna lape ngeni ekkewe lesen mi keran katowu wóón ewe home page.

• Wóón ewe jw.org are lón ewe JW Library^®, tiki “Library,” mwirin “Article Series,” mwirin “More Topics.” Me lón ena kinikin kopwe kúna chómmóng me lein ekkewe lesen mi fen piin katowu wóón ewe home page.