ELIPWÁKÉCHUK LÓN ANGANGEN AFALAFAL | ALAPAALÓ ÓM PWAPWA LÓN EWE ANGANGEN AFALAFAL
Álisi Ekkewe Chón Káé Ar Repwe Fiti Mwich
Án Chón Kraist kewe mwich ra mmen aúchea lón ewe fel mi enlet. (Kf 22:22) Meinisin chókkewe mi kochufengen pwe repwe fel ngeni Jiowa, ra pwapwa me kúna feiéch. (Kf 65:4) Ekkewe chón káé ra mwittir feffeitá atun ra fiti ekkewe mwich iteitan.
Ifa usun kopwe álisi noum kewe chón káé ar repwe fiti mwich? Achocho le etiwer ngeni ekkewe mwich. Akkattola ngeniir ewe video Met A Fiffis lón ewe Leenien Mwich? Áweweei ngeniir ekkewe feiéch repwe kúna seni ekkewe mwich. (lff-E lesen 10) Neman kopwe apwóróusa ngeniir eú lesen ka káé me lón eú ach kewe mwich, are menlapei ngeniir met repwe rongorong me lón ewe mwich epwele fis. Ngeni noum kewe chón káé ekkewe puk sipwe néúnéú lón mwich. Pwal och, kopwe álisiir. Ese mwáál ra osupwangen waar le fiti mwich. Ese lifilifil met ka féri, epwe fókkun apwapwa ewe áeúin atun noum we chón káé a fiti mwich.—1Ko 14:24, 25.
KATOL EI VIDEO HELP YOUR BIBLE STUDENTS TO ATTEND MEETINGS, MWIRIN PÉLÚWENI EKKEEI KAPAS EIS:
Lón menni atun a suuk ngeni Neeta an epwe etiwa Jade ngeni mwich?
Pwata sia meefi pwapwa atun emén chón káé a fiti ekkewe mwich?
“Enlet, Kot a nonom lefilemi!”
Met Jade a meefi lón ewe áeúin atun a fiti mwich?