Ka Kan Akkaúseling Ngeni ewe Paipel mi Record?

Met ena Paipel mi Record? Ina álleaan ewe Paipel New World Translation. A kan katowu ekis me ekis lón eú me eú fós. Eú mettóch a mmen álilliséch lón ena record, ina an wor ngingiin emén me emén atun a fós. Napanapen ar állea a fiti memmeef me menlapei ekkóch kapas mi lamot ren an epwe pwúng án ekkewe chón aúseling weweiti ewe pwóróus lón Paipel.

Ifa usun ekkóch ra kúna álillisin ewe Paipel mi Record? Chókkewe mi aúseling ngeni ewe Paipel mi record ra sani pún ra meefi pwe án Kot we Kapas a fóffós ngeniir, pokiten ra rongorong ngingiin án emén me emén fós, iwe ra tongeni kachitoni minne a fiffis me weweéchúti minne a mak. (SF 4:5) Chómmóng ra pwal kúna pwe ar aúseling a ekinamwei letiper atun ra meefi aúrek.—Kf 94:19.

Ach rongorong álleaan án Kot we Kapas a fókkun tongeni achchúngú manawach. (2Kr 34:19-21) Ika kinikinin are unusen ewe Paipel mi record a kawor lón eú fós ka weweiti, ka tongeni eérenaaló óm kopwe akkaúseling ngeni iteitan?

KATOL EI VIDEO PRODUCTION OF THE AUDIO BIBLE—EXCERPT, MWIRIN PÉLÚWENI EI KAPAS EIS:

Met ka mwaar ren angangen fférún ewe Paipel mi record?