MANAWEN CHÓN KRAIST

Álisi Aramas Rese Fiti Lamalam le Silei Ussun ewe Chón Fériir

A wor atun kese mochen afalafal ngeni aramas rese fiti lamalam, pokiten ka ekieki pwe resap mochen aúseling? Iká ina, chemeni pwe chómmóng aramas rese fiti lamalam pachelong chókkewe rese lúkú Kot ra wiliiti Chón Pwáraatá Jiowa. Fán chómmóng, a chék lamot ngeniir ach sipwe álisiir le etittina ekkewe pisekin ánnet pwe mi wor Kot.—Ro 1:20; 10:14.

KATOL EI VIDEO REMEMBER—FAITHLESS PEOPLE CAN ACQUIRE FAITH!—NONRELIGIOUS PEOPLE, MWIRIN PÉLÚWENI EI KAPAS EIS:

Ifa ussun pwóróusen Tommaso a álisuk le eáni ekiek mi pwúng ussun óm afalafal ngeni aramas rese fiti lamalam?

Pélúwan me reom

Minne kopwe féri

Iká emén a erenuk pwe ese lúkú Kot, kopwe kirekiréch ngeni, pwáári súfél, me enletin áfánni meefian. (2Ti 2:24) Pwóróus wóón ekkóch mettóch neman epwe sani. A mochen pwóróusfengen wóón ekkewe pisekin ánnet mi álisi chómmóng le lúkú pwe mi wor emén Chón Férikich? Iká ina, néúnéú néúch kewe puk me video mi pwóróus ussun ena. Ekkewe puk Was Life Created? me The Origin of Life—Five Questions Worth Asking ra pachelong lón ewe Teaching Toolbox lón fósun Merika pwe sipwe mwittir kúna.

Eli me akkomwan kopwe pireir le afalafal ngeni emén ese lúkú Kot ussun ewe enlet. Iwe, pwata kese kútta álillis seni emén chón afalafal mi lipwákéch? Pwal och, kopwe chemeni pwe Jiowa a tongeni álisikich le chúngú letipen chókkewe mi letipwenechar inaamwo iká rese lúkú Kot me akkomwan.—Föf 13:48.