Sia Tongeni Okkufu Koput!

Ika aapw, iwe eli ka fen kúkkúna are rong usun an fis ngeni ekkóch. Fán chómmóng, sia kan rong án aramas kúna koput pokiten sókkólóón fénúer, ar einang, are pokiten iir mwán nge ra sani mwán, are iir fefin nge ra sani fefin. Iwe pokiten ekkena, chómmóng mwú ra fératá ar allúk mi apwúngú chókkewe mi oputa ekkena sókkun aramas.

Chókkewe mi kúna koput, ra pwal oputa ekkewe ekkóch. Fán chómmóng, chókkewe mi kúna koput ra liwini koput ngeni chókkewe mi oputer me a chék lallapóló me sópwósópwóló ena féfférún koput.

Ese mwáál, aramas ra fen piin aapaap ngonuk, eitengawok, esiitok, ákkápuk, me eniwok. Nge esap chék ikkena féfférún koput. Lape ngeni, a kan pwá lón féffér mi ekirikiringaw, áwewe chék ren án aramas mesááni emén, atai pisekin, awata, reipei, nieló, are pwal mwo nge nieló eú kúmiin aramas.

Ei puk epwe pélúweni ekkeei kapas eis me áiti ngenikich ifa usun koput a tongeni wesiló:

• Pwata a lallapóló koput?

• Ifa usun epwe wesiló lapólóón koput?

• Epwe wor eú atun koput epwe unusen mórófóchóló?