Ekkewe Siwil fán iten ewe Mwich Lukanapen Wiik
Poputá seni wiiken September 3, án ewe Mwichefel Káéén Paipel epwele 30 minich, nge esap chúen 25 minich. Ewe chón emmweni ewe káéén Paipel epwe néúni eú minich le enniwili met ra fen káé lón ewe wiik lón an we kapasen le poputáán. Ttamen ewe mwich fán iten Káitin Chón Afalafal epwe pwal siwil ngeni 30 minich, nge esap chúen 35 minich. Esap chúen wor eú kinikin fán iten pwóróus esilesil. Nge ekkewe pwóróus esilesil repwe apio lepoputáán ewe áeúin kinikin. Fán chómmóng, ese kon wor pwóróus esilesil mi lamot epwe apio, me resap pwal esilesilewu ekkewe afalafal repwe tapwoto. Esap apio ewe kókkót fán iten angangen afalafal, elimelim me án aramas kapong. (km 10/08 p. 1, par. 4) Ika epwe wor pwóróus esilesil epwe ttam apion, iwe, epwe éch ika ekkewe mi wor ar kinikin repwe silei, pwe repwe tongeni amwocha ar kinikin.