Ámúrinnééló Tufichich lón ewe Angangen Afalafal ren Ach Pesei Chókkewe mi Aúselingakich le Fiti Mwich

PWATA A LAMOT: Ach kewe mwich ra atufichikich ach sipwe kan eáni kél ngeni Jiowa me “mwareiti i.” (Kf 149:1) Lón ekkewe mwich sia angei káit le féri letipen Kot. (Kf 143:10) Ekkewe chón káé me ekkewe mi pwapwaiti le aúseling ra kan mwittir le feffeitá lón ar lúkú atun ra fiffiti ekkewe mwich.

USUN ACH FÉRI:

• Seni lepoputáán óm chuuri emén, etiwa epwe fiti mwich. Kosap witiwit tori ewe káéén Paipel a poputá.​—Pwä 22:17

• Áwewe ngeni met sia kan féri lón ewe mwich me met sipwe pwal pwóróusfengen wóón lón ena mwich. Ekkeei mettóch ra álilliséch: ewe taropween etiwetiw fán iten án ewe mwichefel kewe mwich, ewe video Met A Fiffis lón ewe Leenien Mwich?, me lesen 5 me 7 lón ewe brochure Letipen Jiowa

• Awora álillis. Eli a lamot ngeni ewe mi mochen aúseling an epwe wor emén epwe uwei are álillis ren met sókkun úf mi fich epwe úféúf. Móót únúkkún atun mwich me néúnéúfengen noum kewe puk. Álisi le kapong ngeni pwal ekkewe ekkóch