Káit Seni Kot A Okkufu Lifilifil

Jiowa ese lifilifil aramas. (Föf 10:34, 35) A etiwa aramas “seni sokopaten mwich, ainang, mwü me kapas meinisin.” (Pwä 7:9) Ina popun ese wor leenien aapaap are lifilifil aramas lón án Chón Kraist we mwichefel. (Jas 2:1-4) Sia kilisou ngeni ewe asukul seni Kot, sia pwapwaiti kinamwe me tipeeú lefilach, iwe sia kúna án aramas ekkesiwili napanaper. (Ais 11:6-9) Atun sia achocho le urusawu pwal mwo nge ekis memmeefin lifilifil aramas seni letipach, sia ánnetá pwe kich chón áppirú Kot.​—Ef 5:1, 2.

KATOL EWE VIDEO JOHNY AND GIDEON: ONCE ENEMIES, NOW BROTHERS. MWIRIN PÉLÚWENI EKKEEI KAPAS EIS:

• Pwata ewe asukul seni Kot a kon tekia lap seni án aramas achocho lón ar pwákini lifilifil aramas me aapaap?

• Met a ámáirú ngonuk lón ach we mwichen pwipwi wóón unusen fénúfan?

• Ifa usun sia elinga Kot atun sia akkamwéchú ach tipeeú lefilach?