EPADDI 7

Ovenya Mu Okwani Wa Yezu Mpaka Ofugeliwa Wa Paulo

Siku na noraru mumaleli okwa waye, Yezu wahivenyihiwa mu okwani. Sikunene nthile iyene wahathwanyuwela anamafara aye dila tanu dhothiyana thiyana. Mwari mwa masiku 40 Yezu wanathwanyuwela awene. Mumalelani, oku anamasunza aye bagamwañgana, Yezu wahiwela odhulu. Masiku kumi vasogorhova Mulugu wahakuthulela muya wokoddela anamasunza a Yezu ajeedhela mu Yeruzalemi.

Vasogorhova, amwiddani a Mulugu ahavolotxiha mu kambura arumiwi, mbwenye mungelo wahafurulamo. Namasunza Estevau wahivokedhiwa myarha na anamapambiha mpaka okwa. Mbwenye ninosunza mukalelo omusakulile Yezu mmodha mwa anamapambiha aba wila akale mudhari waye wa va woka, nanda iyene ohidha okala murumiwi Paulo. Mumalelani, vyaka tharu na jiddiga mumaleli okwa wa Yezu, Mulugu wahimuruma murumiwi Peduru omulaleya Kornelio oddule wahaali Muyuda vamodha na ntakulu naye.

Othamagela vyaka 13 musogorhomwa Paulo wahiroma oleddo waye woroma wa olaleya. Mu oleddoni waye wa nawili Timoteo wahigumana na Paulo. Ninosunza mukalelo wakaanile Paulo na akwaye a mu oleddoni midhidhi dhinjidhene dhohagalaliha mwa omulaba Mulugu. Omamalelowa, Paulo wahifugeliwa mu kambura o Roma. Vyaka biili vasogorhova iyene wahifuruliwa, mbwenye mumalelani iyene wahifugeliwa wili mu kambura nanda bapiwa. Dhowireya dha EPADDI 7 dhapadduwile okwaranya mudhidhi wa vyaka 32.