Yehova Ohinivaha Mvuni

29 Muthu woroma wa omuyani omuthanddile Mulugu wali ninga mwana waye wa muthaji.

Mulugu onomukwela vaddiddi nanda onela omulabihedha iyene wila atolotxe athu abure nanda avune abale aniwelela.—Joau 3:16, 36.

30 Yehova ohimuruma Mwana waye wila abaliwe velaboni ya vati. Ohitxemerhiwa na nzina na Yezu. Mamayaye watxemerhiwa Maria.—Lukas 1:30-35.

31 Yezu munuweliye, ohisunziha dhilobo dhinjidhene dhaderetu. Iyene ohisunziha wila Yehova bahi ddili Mulugu wa ebaribari.—Markos 12:29, 30.

Yezu wahiloga wila iyo ninofanyela omwebedha Yehova bahi.—Mateus 4:10; Joau 4:23, 24.

Iyene vina wahasunziha athu mwaha wa omwene wa Yehova.—Lukas 17:20, 21.

32 Yezu wahavulumutxa aredda nanda wahikosa vina dhilobo dhinjidhene dhaderetu. Kakosile wene dhilobo dhabure.—Merelo 10:38; 1 Peduru 2:21, 22.

Kito aganobolile dhavi mwa yothega na okwa?

33 Iyene wanfanyela omperekela Mulugu mukutho wila awobole athu aderetu. Nsaka nawale, Mulugu wahigwiha nlamulo wila athu aperekege mikutho dha dhinama wila aleveleliwe dhothega dhawa.—Aebreo 7:25, 27.

34

Yezu kaperekile mukutho wa dhinama. Iyene oviperekile mwinyene ninga mukutho mwa oderetu wehu.—Mateus 20:28; Aebreo 10:12.

Ohiziwa sabwaya?