Kasunziha na Brochura Miselu Dhapama
1. Brochura Miselu Dhapama nisasanyiwe na ekalelo gani?
1 Ninga musekeseriwani mu Mabasa Ehu a Omwene wa Julyu, brochura Miselu Dhapama dha Mulugu! epano enlabihedhetxa iyo mmasunzihoni mwehu, ejuwene enfanyeya mukashani ya dhipano dhehu dhosunzihana. Munologiwa malebo antonyiwa mBibiliani, mwadhahene mwanamurala onele opurelamo vaddiddi modheela wengesa mwinyene maleboya mBibiliani. Manivuru ehu menjene a osunzana alebiwa na mukalelo onimukamihedha mwanamurala wengesa mwinyene, noona brochura ntti nisasanyedhiwe na ekalelo enfanyeela osunziwa na nikamihedho na namasunziha. Mwa dhahene nigavahaga manivuru abo ninofanyeela omulagiha mwanamuralaya mukalelo onsunziwani vina onawodhiye opurelamo mwa osunza miselu dhapama dha mBibiliani.—Mt. 13:44.
2. Dila yoroma, ninalabihedhe dhavi brochura Miselu Dhapama?
2 Dila Yoroma: Onofanyeela ologa: “Miyo ddili apano wi niziwihane ejile enubuwela attu enjene modhela musogorho. Weyo onubuwela wi mikalelodha esi kadhinasadduwe? [Omuttiye wi akule.] Bibilia onologa miselu dhapama esuwene dhinvaha njeedhelo. “Apa vahikala mavuzo anakuliwa mBibiliani.” Kanvahe mwanamuralaya brochurana, ogamala omukumbirhe wi asakule mavuzo ali mundduni mwa kapa. Ogamala kalagiha mukalelo onkosiwa nsunzona olabihedhaga ddima yoroma ya mutoma wa nsunzo. Mukalelo mwina bwa onvuza mwanamurala wi aloge nivuzo nimuzivele modhela mutoma wa nsunzo nisakuliwe, vina omulagihe mukalelo onamukamihedhe iyene woona maakuloya mBibiliani. Nsunzo na ntti akala ninowiwanana na vidiyu eli mu jw.org, namalaleya onofanyeela omulagiha vidiyu namewa waye.
3. Kaloga mukalelo oneeddihiwana nsunzo brochura Miselu Dhapama.
3 Mukalelo wa Weeddihana Nsunzo: (1) Wengese mavuzo atonyiwe na manumero vina apintariwe na kor yoriba, wi omukamihedhe mwanamuralaya ononelamo mutomaya wamakamaka. (2) Musogorhomwa mwengese ddima dhinfarela. (3) Mwengese malebo alebiwe na (Itálico) vina na mukalelo wowooneya kamukamihedhe mwanamuralaya woona mukalelo onakuliwa nivuzona modhela malebo. (4) Egakalawo ddima yina enda mutxiddo mwa nivuzo, keyelela ttarho 2 na 3. Akala vidiyuya omaromo enokosa nivuzo onofanyeela okosa nivuzo nakakene ninga mutoma onfuninyu ologa. (5) Omamalelowa, omukumbirhe mwanamurala wi akule mavuzo asunzilenyu wi okaane ebaribari akala iyene ohinonelamo.
4. Txini enanikamihedhe olabihedha epano eji na mukalelo waderetu vina na ewodhelo?
4 Kanonelamo deretu olabihedha epano eji. Kalabihedha epanoya eji mudhidhi wotene egafuneya. Ohinatti oroma nsunzona, omutanaalela namasunzaya ekalelo yamakamaka, wi omukamihedhe iyene vina wi muwodhe osekeserha pama mutomaya wa nsunzo mulabihedhaga malebo. (Gano 15:28; Merelo 17:2, 3) Weyo ogakaana ewodhelo vina yotagiha yaderetu, onela woona wila brochura ntti epano yaderetu vaddiddi wi wasunzihena attu enjene ebaribari!