Nunuwihe Ewodhelo Yehu Mmabasani a Olaleya—Nirome Nsunzo na Bibilia Nilabihedhaga Brochura Miselu Dhapama dha Mulugu!

Ekalelini ya Makamaka: Wi niwodhe wakosa anamasunza ninofanyeela nikale anamasunziha a deretu a Mazu a Mulugu. (Mt. 28:19, 20) Wi niwodhe osunziha ebaribari deretu, ninofanyeela ottiddihedha mabasa dhipano dhinvahiwehu wi nilabegena. Brochura Miselu Dhapama dha Mulugu! ttamakamaka nisasanyeliwe wi ninikamihedhe wasunziha ebaribari eena. Txibarene iyo poddi ottiddihedha mabasa wi nirome nsunzo na Bibilia na mwazambo wa ntakulu siku noroma.

Ninakose Dhavi:

• Keyelela nlagiho va kashani.​—Koona Mabasa Ehu a Omwene Março wa 2013.

• Keeka Brochura nawo mpastani mwawo ya mabasa a olaleya. Okaane ebaribari wi ohikaana mabrochura opaka.

• Kasunzani ddima modha obe biili vina mukose mitala kumi obe dhohifiya.

Otagihe Dhahi Mweri Obuno:

• Kalobela na efunelo ya oroma nsunzo na Bibilia. Vina kakumbirha nikamihedho wa Yehova wi owodhe okala namasunziha a ebaribari​—Fil. 2:13.

• Mudhidhi wa weebedha wa ntakulu obe nsunzo nawo weka kakaana mudhidhi wi olemelele nlagihona. Ejo enele wukamihedha ologa na ekuluvelo vina oromana nsunzo na Biblia vatakulu va muttuya mmalaleyoni.

[Kasha vanikukuni 1]

Ogadhowaga Numba na Numba:

“Ddili mmuruddani mpu ddinowoona wi attu anozuzumela sabwa ya osogorho wa elabo eji. Weyo onubuwela wi dhilobo esi dhinelege odhowavi? [Kamuttiye wi akule.] Attu enjene agasunzaga enloga Bibilia mwaha wa miselu dhapama dhinnivaha njeedhelo anotikina vaddiddi. Brochura ntti muhikala mavuzo meena anakuliwa mBibiliani.” Kamvahe mwazambo wa ntakulu brochura vina kamukumbirhe wi asakule nivuzo nili odduni wa brochurana ninfunitxiye ononelamo. Kadhowani vanfanyeya nsunzona vina kamutonyihedhe mukalelo onsunziwani. Kakosa masasanyedho owiyela wi musunze nivuzo ninfarela.