Nunuwihaga ewodhelo yehu mmabasani a olaleya—Nitonyihedhaga nsunzo na Bibilia nilabihedhaga Nivuru Ensunziha Bibilia

Ekaleleni yamakamaka: Wa attu enjene kanziwa entapulela ovaha nsunzo na Bibilia nihimpitxeliwa vatakulu va muttu-muttu. Ejo txino enawubutxedha ogilati ninga nikuru obe ologela dhilobo dha kursu. Ottiya okalelaga ovahavi nsunzo, sabwaya jani kuntonyihedha nsunzona? Mwa mudhidhi mung’onovi, poddi okala vamaromo, weyo onofanyeela omulagiha muttuya wi omusunza Bibilia yotagiha yohirutxa vina ya mirugu.

Ninakose Dhavi:

• Ogamala ologa nzina nawo, kanvuze mwanamurala akala onozuzumela dha musogorho.

• Kaloga wi attu enjene anubuwela dhawene, mwavenevo kamulagihe epaddi ya mitoma dhili munivuruni Ensunziha Bibilia. Katapulela wi nivuru ntti nihikaana mitoma dhihinrutxa ononelamowa dhinlagiha ejile ensunziha Bibilia modheela dhilobo dha musogorho vamodha na makani meena, ogamala onvuze ekalelo gani ya musogorho egaziveliwena iyene.

• Kanvahe nivuru nimodha vina kamulagihe mutomaya osakuliliye. Kamutapulele wi mavuzo ali omaromo wa kapitulu eji dhowakuladha dhinfanyeya mwari mwa ddima dhinfarela.

• Kamukumbirhe mwana muralaya engese ddima yoroma agawodha. Mwavenevo kengesa nivuzo na ddimaya mugamala mutanaalele dhowakuladha vamodha. Kaveda vina ologe nlebo ninfanyeya ogamala otapulele. Omulagihe makalelo akweretile weyo munivuruni mwawo.

• Olabihedhe ddima yina enfarela, mbwene dila eji, orome omukubirha mwanamurala wi aakulele na mazu aye.

• Omutamaalele, vina kakosa masasanyedho wi wiyele labo niina wi ogomihe nsunzona.

• Egakala yofanyeela, kamulagihe vidiyu mu jw.org ena musorho O que Acontece Num Estudo Biblico?

Kakosa Ejuwene Mwari Mwa Mweri Obu:

• Kalobela wa Yehova wi arurihe guru yawo ya oroma nsunzo na Bibilia.​—Fil. 2:13.

• Karoma otagiha nsunzo na Bibilia olabihedhaga nivuru Ensunziha Bibilia, obe kamulagihe vidiyu O que Acontece Num Estudo Biblico? ngafuna wene dila modha ogakala Mmabasani a olaleya.