MAFUMO A MAZU A MULUGU | MASALMO 119

‘Eddagavi Mudila Mwa Yehova’

Weedda Mudila mwa Yehova entapulela ovivelela na murima wotene wi niwelele malamulo anda wirimu. Mmaleboni muhikala dhotagiha dhinjidhene dhinaloga abale eddile mudila mwa Yehova, vina arumeelile malago aye; dhahene ninga mwakoseli munasalmo.

Nigeedda mudila mwa Mulugu panakanihu osanzaya wopitta

119:1-8

Josuwé wahilagiha na guru dhotedhene efunelo ya weddihiwa na Yehova. Yaziwiye jawi, okaana osanzaya na ofumawa mwigumini oniwanana na omukuluvela Yehova na murima wotene

Mazu a Mulugu anonivaha guru dhinnilibiha nigafanyiwaga dhokattamiha

119:33-40

Jeremiya wahilagiha oliba murima vina omukuluvela Namadhu-dhulu, masiki na makattamiho. Wahisasanyedha egumi yaye vina wahakwaniha mabasa attomeliwiye

Okaana eziwelo yawakwana ya Mazu a Mulugu enonikosiha ohova nigavuwihaga muttaka wapama

119:41-48

Paulo kagurumelana ovuwiha muttaka wa Mulugu; wannimulaleya muttu-muttuvi. Wankuluvela kakamwe nikamihedho na Yehova, afiyedhaga odhowa vamentoni va Governadoro Félix wi amulaleye muttakaya

Ddinawodhe dhavi okala wovikomene ddigalaleyaga?

• Oskola

• Omabasani

• Amudhihu

• Attu eena

[Kasha vanikukuni 3]

Nivuru na Masalmo 119 nilebiwe ninga jibo eena mooneyelo wa alfabetu. Obe n’ekalelo enkamihedha ononelamowa. Nivuru ntti nina dhistrofi 22 vina kadda estrofi enna maversikulu 8. Kadda estrofi, enromana letra modhene ya alfabetu wa Ebraiko. Sabwa ya okaana maletra 22 a alfabetu wa Ebraiko, vina okaana maversikulu 176, enokosiha okala kapitulu ya Bibilia elapiletxe.