YEDDELO YA AKRISTU

Ogakopela Orumeliwa na Mwana

Nigakopela nirumeliwa na mwana, egahikala yaderetu omukumbirha wi akuwele amambali aye. Eji enolagiha nriho na aliba vatakuluva. (Gano 6:20) Akala ababe kavo, mwanaya anikukusela ovolowa kanirumele. Nimwaddele wi ninowiyela mudhidhi mwina.

Masiki akala oli vatakuluva munddimuwa vang’onovi obe txino muzombwe ona zelu, enofuneya vina okumbirha ologa na amambali aye. Akala awene kavo, ninvuze mwanaya akala orumelihiwa wengesa nivuru-nivuruvi. Akala orumeelihiwa nimuttiyedhe revista nimodha, obe nimulagihe vidiyu ya jw.org.

Nigamwiyelelaga muzombwe onfuna omusunza Bibilia, nimukumbirhe wila niloge na ababe. Eji enela onikosiha omutapulelamo odha wehu vatakulu vaye, omulagiha niparana n’ebaribari vina omulagiha malago ali mBibiliani anloga dha anamudhi. (Masal 119:86, 138) Nriho ninkanihu na aliba vatakuluva, ninolagiha oleleya wehu vina ninowakosiha anamudhiya okaana efunelo ya ovuruwana muttaka wapama.​—1 Ped 2:12.