YEDDELO YA AKRISTU

Karabela Mirega esi Ogeddihaga Nsunzo na Bibilia

Ologa vaddiddi: Kuwubuwele yawi onela owodha otapulelamo dhotedhene. Yezu wankosa mavuzo wi anonihedhemo makaniya vina wi attiye attuya ononelamo anyeene. (Mt 17:24-27) Okosa mavuzo enele wukamihedha oziwa ejile ennonelamo namasunza vina enrumeeliye. (be-T 253 ddima 3-4) Oganvuzaga, okosege nivuzona na nriho vina ovilelege ogajeedhaga nakulona. Namasunzaya agakula yahajeedheliwe, kamukamihedhe ozinddiyela nakulona, ottiya omwaddela kakamwe, okose mavuzo anamuwodhihe ononelamo makaniya. (be-T 238 ddima 1-2) Ologe na mukalelo wokurumuwa wi namasunza attiddevo elebo.​—be-T 230 ddima 4.

Ompipiriya Namasunzaya: Porhe-porhe ologa dhetedhene dhinziwewi dhiniwanana na mutomaya. (Jo 16:12) Wang’ane nipara na ddimaya. (be-T 226 ddima 4-5) Oziwe wi masiki esile dhinoniwe yawi dhigahikala omutapuleletxamo, dhinodha ompipiriya. (be-T 235 ddima 3) Ogoona wi namasunzaya ohimala ononelamo mutomaya, kalupelani ddima yina

Ofunetxa Ogomiha Ddimadha: Efunelo yehu josasanyedha murima, ottiya ofunetxa ogomiha ddimadha. (Lk 24:32) Libihedha guru ena Mazu a Mulugu; okalele ddeya nlebo nili mwari mwa ddimaya. (2 Kor 10:4; Aheb 4:12; be-T 144 ddima 1-3) Ologege maladdaniho ononeleyamo. (be-T 245 ddima 2-4) Okalege txenjewa wi ozinddiyele dhinimutximiha namasunzaya obe oziwe dhinrumeeliye, ogamala woona dhotedhene eso, wiwananihe na ddimadha dhinsunzinyu. Onvuze dhahi: “Esi dhisunzihu weyo onoziveliwana?” “Masunzo aba annisunziha nni mowiwanana na ejile eli Yehova?” “Yopurelamo gani enkaniwena sabwa ya ovirihamo masunzihoya aba?”​—be-T 238 ddima 3-5; 259 ddima 1

[Mafoto vanikukuni 8]

KUKOSE

KAKOSA