Okalelewo Omwebedha Yehova Bahi!

Egumi mvaho wa ttima vaddiddi. Noona dhinkosihu labo na labo dhinolagiha akala ninottittimiha obe nne. Vowi nili Anamona a Yehova, ninowiwananiha ewodhelo yehu yotene, wi nimuttittimihe vina ninvuwihe Mulugu, olí namavaha egumi. (Masal 36:10; Ovuh 4:11) Joziweya wi dhozuzumiha dh’elabo ejino edhale oburevi, dhinonikumulaga mumulabelani wehu Mulugu, vina dhinonivahaga elemelelo ya vimanya dh’ovittiyaniha na attu akwihu. (Mk 4:18, 19) Noona muttu-muttu wa iyo avivuze dhahi: ‘Ddinomvaha-wene Yehova dhonunadha dhotene dhinkanimi? (Oz 14:2) Dhogana dhaga sivi? Ddiwodhe dhavi wenjedha mabasa aga olaleya?’ Weyo ogona wi okana enuwobaniha, omulobelele Nabuya Yehova, omukumbirhaga nikamihedho; vina kukalege wovittiyene, okosege kukuttu. Mohaganyedha, omuttittimiha Yehova labo na labo enonittukulela okaana egumi yottugarheya vina enonivaha wagalala mwigumini mwehu.—Masal 61:8.

KOONA VIDIYU USE O SEU TALENTO PRA JEOVÁ, OGAMALA WAKULE MAVUZO ABA:

• Enlogeliwa nni wi jotowa malaga olabana ewodhelo yawo mwilaboni mwa Satana? (1Jo 2:17)

• Mareliho gani anfwanya abale anivaha Yehova dhonuna dhawa?

• Mabasa gani a Mulugu anfwanyeelimi olaba na ewodhelo enimi vina na guru dhaga dhotene?