Nthithimiho na Mweddelo Wapama Dhinosaddula Murima

Ayana ateliwe na alobwana ahili akristu, masaka mena amamunawaya anoganaga okala Akristu sabwa ya yeddelo ya awadhiwa. Mbwenye ayana aba anofuniwana ovilela onddimuwa vaddiddi mwari mwa vyaka dhinjene. (1Ped 2:21-23; 3:1, 2) Akala weyo onotabutxiwa, ovilelegevi, kumwihedhe yakakene onutabutxa. (Rom 12:21) Yeddelo yawo enodha omukosiha mukwawoya ozindddiyela merelo awo apama.

Ozuzumelege ozinddiyela txini enfuna mamunawo obe mwadhiyoya. (Fil 2:3, 4) Okane ekalelo y’ovilela, y’okurumuwa vina ozuzumelege wira mabasa awo na nriho. Onfwaseyelege onvuruwana mukwawoya. (Tia 1:19) Kunyonyeyege nomaguva, wonihege wi onomukwela mukwawoya. Masiki akala mukwawoya kanuthithimiha nne kanuriha ninga munfuneliwe, okane ebaribari wi Yehova onothithimiha vina onoriha merelo awo a nroromelo.—1Ped 2:19, 20.

KOONA VIDIYU YEHOVA ONONIVAHA GURU YOPEMBERANA MAKATHAMIHO-MAKATHAMIHOVI OGAMALA WAKULE MAVUZO ABA:

• Txini yampadduwela Grace Li mmaleliye-wene oteliwa?

• Txini emuthukulele okana efunelo ya omusunza Bibilia?

• Murogora Li owodhile dhavi ovilela makathamiho mmaleliye obatiziwa?

• Murogora Li wakumbirha eni mmalobeloni mwaye?

• Maruriho gani akelile Murogora Li mwaha wa nriho na mweddelo waye wapama?