Kattittimiya Mandano Awo na Yehova

Anamona a Yehova ahikana gari enddimuwa vaddiddi. Niga vivelela vina nigabatiziwa, ninofwanyela ovilibihedha ovaddihagavi mandano ehu na Nabuyehu Yehova. Iyene ohimuruma nammodha waye wila anobolele. (Jo 6:44) Onovuruwana malobelo ehu.—Masal 34:15.

Ninawodhe dhavi obarela mandano ehu na Mulugu? Mukalelo mmodha bwa orabela okosa yakene yakosile ana Izrayel. Mmalelani okosa nipagano na omwebedha Yehova bahi, awene ahikosa nladdaniyo wila akale mulugu wawa. (Obud 32:7, 8; 1Kor 10:7, 11, 14) Iyo ninofwanyela ovivuza: ‘Elobo gani enakosimi ddigagumanana dhoweha? Mweddelo waga onowoniha wila ddinobarela mandano aga na Yehova?’ Okwela onddimuwa onihu na Babihu onele onittukulela orabela dhilobo dhotene dhinimutakalela.—Masal 97:10.

KOONA VIDIYU BARELÁ MANDANO AWO NA YEHOVA (KOL 3:5), OGAMALA WAKULE MAVUZO ANFWARELA:

• Nrima txini?

• Ninfwanyelela eni orabela nrima vina webedha dhopaddutxiwa?

• Olupa matelo oniwanana dhavi na webedha dhopaddutxiwa?

• Ekaleleni yamakamaka ttabwa-ttabwa mwa abale ana ettomo mmulogoni opima deretu dhinkumbiriwani na amarho obe attu ena?