YEDDELO YA AKRISTU
Awene Anovilibihedha Venjene wi Anikamihedhe
Anameddelela milogo na awadhiwa anowoniha okwela watxibarene vina anovilevela wakamihedha abali a mulogo oneddelelani. Dhahene ninga iyo, awene ahikana dhojombeliwa, dila dhina anolema, anokubanya vina anokaana dhowazuzumiha. (Tia 5:17) Masiki dhawene, sumana dhotedhene anottiya makattamiho abo baroma wazuzumela abali a mulogo oneddelelani wi apangarhaze. Nona anameddelelela milogo, anofwanyela orihiwa wilimo.—1Tim 5:17.
Murumiwi Paulo mukoseliye oleddo wa odhowa o Roma wi aperhekele “mivaho dha muya” abali a mulogo wa wenewale, iyene wafuna wi abaliya alibihegena muttu na mukwaye. (Rom 1:11, 12) Ki weyo, wahiromaga wubuwela mukalelo wa omulibiha nameddelela mulugu na mwadhiye, akala ohitela?
KOONA VIDIYU MABASA A NAMEDDELELA MULUGO MIRUDDA DHA MUTTEMBA, OGAMALA WAKULE MAVUZO ABA:
Anameddelela milogo na awadhiwa anoniha dhavi wakwela abali a mmulogoni?
Weyo opurelimo dhavi mudhidhi odhile nameddelela mulogo mmulogoni mwawo?
Ninalibihe dhavi anameddelela milogo?