YEDDELO YA AKRISTU
Omukuluvele Yehova Ogapattiwa Bullying (Ogaligiwaga)
Bullying enodhaga onitotela makattamiho a mwigumini vina a mmaningoni. Bullying vina enodhaga wika vang’ovini mandano ehu na Yehova akala ninowawova abale ansadduwela webedha wehu. Onawodhe dhavi ovibarela mwa bullying?
Alabeli enjene a Yehova anowodha opemberha bullying modhela omukuluvela Yehova. (Masal 18:17) Motagiha, Ester wahivitula matadelo a mwiddani waye wakuweliwa Haman. (Est 7:1-6) Ahinatti okosa ejuwene, iyene ohilagiha omukuluvela Yehova modhela ottuga. (Est 4:14-16) Yehova ohiruriha merelo aye vina ohimbarela iyene na nlogo naye.
Muzombwe, akala weyo anopattiwa bullying kamukumbirhe nikamihedho Yehova vina kaloga na muttu owunuwelavo onimukuluveliwe, ninga amambali awo mwaha a makattamiho anupatta. Kakana nikuluvelo wi Yehova onele wukamihedha dhahene ninga mumukamihedhiliye Ester. Txini enfwanyela weyo okosa wi opemberhe bullying?
KOONA VIDIYU YEDDELO YA AZOMBWE—DDINAWODHE DHAVI OPEMBERHA BULLYING? OGAMALA WAKULE MAVUZO ANFWARELA:
Azombwe ansunza eni na yotagiha ya Charlie vina Ferin?
Amambali anawodhe dhavi osunza na dhologa dha Charlie vina Ferin mwaha wa mukalelo onawodhe awene wakamihedha aniwa opemberha bullying?