Nikamihedho na Osunza

Okoye Mmurimani Jibo dha Omwene

“Masiku ankubanya miyo vaddiddi vina ddikala okumuwene, Yehova onoddilibiha alabihedhaga jibo dha JW Broadcasting^®.”—Lorraine, E.U.A.

Oromana nsaka na wale Akristu anolabihedha jibo wi amwebedhe Yehova. (Kol. 3:16) Ogasunza okoya mmurimani jibo dhehu, enele wukamihedha masiki ogahikane nivuru na jibo obe epano yina muli jibo. Koona dhilobo dhinokamihedhe okoya jibo muyubuweloni.

• Oziwe pama entapulela muselu wa jiboya. Enorutxa odduwala elobo eddiginyile murima wawo. Jibo dhehu dhotene dhinofwanyeya mu jw.org otaganyiha na Jibo dhowona vina dhovuruwana vamodha na jibo dha aima. Kaddiginya Bibiliyoteka ogamala oddiginye Jibo.

• Olebele vego jiboya. Eji enele wukamihedha ohidduwala entapulela muselu wa jiboya.—Olib. 17:18.

• Wibege na lizu nowiweya. Wengese vina wibege jibodha dila dhinjene.

• Wehe akala onowubuwela. Ovilibihedhe wubuwela entapulela mazuya ohang’anile jiboya, ogamala wone maletraya okala ohiwodha okoya muyubuweloni.