EPADDI 3

Ofuruliwa Mu Ejipito Mpaka Mwene Woroma Wa Izraeli

Moize wahasogorhela Aizraeli ovenya wufugeliwani mu Ejipito mpaka o Mwangoni Sinai, wenewale wavahile Mulugu malamulo aye. Vasogorhova, Moize waharuma alobwana 12 wila eeddelele elabo ya Kana. Mbwenye 10 mwa abene aahiyela na mpaganyo wabure. Awene aahakosiha athu ofuna wiyelela wiJipito. Sabwa ya otuwa wawa nroromelo, Mulugu wahasothotha Aizraeli modheela wakosiha awene weedda dhuwa dhuwa mwiddeddereni vyaka 40.

Omagomelowa, Josue wahisakuliwa wila aasogorhele Aizraeli ovolowa mwilaboni ya Kana. Wila aakamihe othukula elaboya, Yehova wahikosiha matikiniho opadduwa. Iyene wahimetxa manje a Mwinje Jordano, wahigwiha marhinga a Jeriko, vina wahimetxa nzuwa siku nantero. Muvireli vyaka tanu na modha, elaboya yahithukuliwa mmadani mwa akudda Kana.

Oromana Josue, Izraeli wahilamuleliwa na anamathonga mwari mwa vyaka 356. Ninosunza mwaha wa abene enjene, vamodha na Baraki, Jideau, Jefte, Sansau vina Samueli. Ninowengesa vina mwaha wa ayana ninga Raabe, Debora, Jaeli, Ruti, Noemia na Dalila. Mu Epaddi YANATHARHU yotene, muli vyaka 396 dha mapadduwo.