Egumi Mparaizu Yali Dhavi?

Yehova wahavaha Adamu na Eva dhilobo gwe dhaderetu. Wita 1:28

Yehova wahimpaddutxa muyana woroma, Eva, venevo banvaha Adamu wila akale mwadhiye.​—Wita 2:21, 22.

Yehova wapaddutxile na mubuwelo vina na maningo apama, ohikaana dhothega.

Murala wawa wa paraizu wali mmunddani mwa Edeni, obu wali mburo wokoddela vaddiddi, wanna mwinje vamodha na miri dhabaala misapo vina mwahikala dhinama.

Yehova wanloga na awene vina wannasunziha. Aweneya konvuruwana agahikalawovi na mukalakala Mparaizu velaboni ya vati.

Mulugu walogile wila munaje mulima obu. Wita 2:16, 17

Yehova wahalagiha Adamu na Eva muri mmodha wa milima mmunddani mpule, venevo wahapanga yawila agaja, anele okwa.

Mungelo mmodha wahimusadduwela Mulugu. Mungelo oddu wabure ddi Satana Ddiabo.

Satana kafuna wila Adamu na Eva amwiwelelege Yehova. Noona wakosa nowa wila empange Eva yawila agaja mulima wa muri obule, iyene kagakwile, mbwenye agakalile ninga Mulugu. Txibarene oku wali ottambi.​—Wita 3:1-5.