NSUNZO 14

Ottukulele Vadhulu Mitoma Dhamakamaka

Ahebreu 8:1

YOKOSA: Wakamihedhe anamewa ofwarihedha diskursuya, vina oladdanihe wiwanana olivo wa musorho wa diskursu na makani anlogiwe.

Oziwe enfuneyana diskursuya. Osakule akala onfuna wila dikursuya ekale yowalibiha attu, yowasunziha obe oddiginya murima, ogamala otapulele mowiwanana na esakuliliwe. Okane ebaribari wila mitomadha dhinele wukamihedha ofwanya makaniya.

Mavuzo obe monelo gani onfuna okaana anamewa aga mwaha wa mutoma obu? Txini enattukulele okosa mavuzoya obe moneloya obu? Ogamala obaze otadela makaniya mowiwanana na mavuzo obe monelo wa anamewaya.
Okokomeze mutoma wa diskusu yawo. Ologe mutoma oniwanana na makaniya oku bugeyelela mazu a makamaka a musorhoya obe bugalabihedha maladdaniho.
Ologe mitoma dhohipipiriha vina dhohirutxa. Osakule makani aniwanana na musorhoya anawodhiwe wakwanihedha mwari mwa mudhidhi ottomeliwiwe. Okwivihe mitomadha, ologe mowiweya, ovume vanfwanyela, vina otaganyihe makani a mutoma onlogiwe na ondoweliwe.

Omaromelo wa diskursu ologe dhamakamaka dhifuna wakamihedha anamewa wufwaraga, obe wawubutxedhe omamalelo wa diskursu wila ahidduwale.