Ninavilagihe Dhavi Vamentoni va Yehova?

1. Bibilia onladdanihiwa dhavi na supeyo?

¹ Dila ngasi dhindowa weyo vasupeyoni? Owinjivaya a iyo ninokosa ejuwene malabo otene sabwa yawi ejo enonikamihedha ovoona makalelo ehu anfanyeelihu ovisasanyedha. Bibilia onoladdanihiwa na supeyo. Wengesa Nzu ononikamihedha oziwa moonelo annonana Yehova . (1 Sam. 16:7; Tia. 1:22-24) Nzu na Mulugu “ninobeddegela dhinubuwela muttu na mmirimani mwaye na dhinfuneye.” (Aheb. 4:12) Omwengesa Bibilia vina omutanaalela labo na labo onwodha dhavi onikamihedha okala anamalaleya ofanyeela?

2. Bibilia onwodha dhavi onikamihedha ovoona nanyene?

² Kamulabihedhe Bibilia ninga Supeyo: Dholaga dhili mbibiliani dha adhari ororomeleya a Yehova dhinonisunziha mikalelo gani dhinimukoddelela. Motagiha, Davidi ohitonyihedha ewodhelo ya olagiha nzina na Yehova. (1 Sam. 17:45, 46) Na oliba murima Izaiya ovivelela olaleya murudda worutxa. (Iza. 6:8, 9) Yezu mwa olagiha okwela webaribari wa babe wa wirimu ohooniha mabasa olaleya ninga murenddele vina wagalala ottiya okala muttorho wodhugudha. (Joau 4:34) Akristu a vyaka zana dhoroma anlaleya na ewodhelo vina annimukuluvela Yehova avivelelaga na efunelo yodhowanavi mabasa awa. (Merelo 5:41, 42; 2 Kor. 4:1; 2 Tim. 4:17) Otanaalela matagiho abo enonikamihedha avag’ana nanyene na efunelo ya wunuwiha mabasa okoddela.

3. Sabwaya jani kaninfanyeela ogoneela okosa masasanyedho ofanyeela?

³ Kalaba wi wogolele dhovirigana: Kayo yofanyeela ovag’ana na supeyo ogamala buvipwaza.ovisasanyedha. Iyo podi omukumbirha Yehova wi anivahe ewodhelo ya ovoona nanyene nanda iyene onele onikamihedha okosa masadduwo anfanyeela. (Masal. 139:23, 24; Luka 11:13) Vowi mudhidhi ohalilewo oyeva vaddiddi nanda jofanyeela ovuna dhigumi, iyo kaninfanyeela okoodda okosa masadduwo ofanyeela.​—1 Kor. 7:29; 1 Tim. 4:16.

4. Txini empadduwa na muttu ole onaga’nela vakuvi vina onvirihamo mazu a Mulugu?

⁴ Yehova onoona​—eli muyubuweloni mwa muttu—​Jamakamaka opitta mukalelo wawo wotakulu. (1 Ped. 3:3, 4) Txini enimpadduwela muttu onag’ana Nzu na Mulugu nanda avirihagamo na esile dhifanyiliye? iyene ‘kanziveliwa na wiwavi ngamalá adduwala, onovirihamo enrumani iyene ddunjevo murenddele na dhiniriye’. (Tia. 1:25) Indde, iyo ninele wagalala vina ninele okala anamalaba ovadda sabwa yawi ninotanaalela txeza ya nttittimiho na Yehova.’​—2 Kor. 3:18.