Kamulabihedhe Bibilia Ninga Supeyo

Murumiwi Tiago ohimuladdaniha Bibilia na supeyo ennikamihedha wona ejile elihu. (Tia. 1:​22-25) Ninawodhe dhavi omulabihedha Bibilia na mukalelo wa deretu?

Wengese nofwaseya. Nigavyang’ana mu supeyoni naguvaga, txino kaninawodhe ozinddiyela elobo enfwanyelelihu wogolela. Na mukalelo wakakene nigamwengesa Bibilia momaguva kaninawodhe wona mikalelo dhehu dha mmurimani esuwene dhinfwanyelihu otxinja. Nona ninofwanyelela omwengesa Bibilia nofwaseya.

Kazuzumela ejile enfwanyeliwe wogolela ottiya attu ena. Dila dhina nigavyang’ana mu supeyoni ninodhaga wawona attu ena vina ofwaseyela ejile eli yabure mwa awene. Jakakene empadduwa nigamwengesaga Bibilia nitanalelaga enfwanyela ena wogolela. Yabureya jawi kinanikamihedhe okala attu apama.

Okale muttu wovipimelela. Nigavyang’ana mu supeyoni nifwaseyela bahi ejile ehinziveliwihu ninodhaga onyimuwa. Nigamwengesaga Bibilia iyo vina ninofwanyelela ovipimelela, kanifwanyela ovijedhelana opitta ejile ennijedhelana Yehova.—Tia. 3:17.