Vyaka Zana Banigalaleya Omwene!
1. Nlogo na Yehova nilibihiwe wi nikose eni mudhidhi onaddamela vyaka zana dha Omwene?
1 “Koonani, olamulela wa Omwene! Nyuwo muli anamalaleya aye. Mwadhahene laleyani, laleyani, laleyani Omwene na Mweneya.” Mazu aba olibiha a mbali Rutherford txino waddamela vyaka zana dha mundduni, nlogo na Yehova nihilibihiwa wi nivuwihe miselu dha Omwene mowooneya. Jijene ekosile iyo! Ninga Akristu oroma, ninolaleyaga miselu dhapama dha Omwene wa “athu etene a mwilaboni.” (Kol. 1:23) Otanalela na moonelo wotxenjerha vyaka zana dha mundduni, txini enakosihu wi nivuwihe Omwene wa Mulugu? Ninawodhe dhavi odhowavi banigalaleya mudhidhi onaddamela iyo nsaka na obaaliwa wa Omwene obuwene onakwaniha vyaka 100?
2. Manivuru ehu anlaleya dhavi Omwene wa Mulugu?
2 Ag’anaga Mundduni: Mwa vyaka makumi menjene, manivuru ehu anovuwiha Omwene wa Mulugu. Ovenya vyaka ya 1939 revista nehu na makamaka nindhana musorho onloga: A Sentinela Anunciando o Reino de Jeová Revista ntti mudhidhi mwinji ninosekeserha Omwene vina ejile enakose Omweneya. Revista Despertai! ninotonyihedha vina Omwene wa Mulugu ninga njeedhelo na attu. Wagalala gani wi marevista aba meeli anotapuleliwa vaddiddivene vina anogawiwa opitta marevista meena orugunuwa elabo yotene!—Ovuh. 14:6.
3. Mikalelo gani dhinlabihedha iyo wi nivuwihe Omwene?
3 Nlogo na Yehova ninosasanyedha mikalelo dhottiyana wi niwodhe olaleya Omwene. Omaromo, nalabihedha mikukutta dhovavihana mazu, radiyo na Fonógrafo wa mmadani. Mikalelo eso dhannikamihedha ovuwiha miselu dhapama wa attu enji nsaka nttile naliwo anamalaleya a Omwene ag’onovi. (Masal. 19:4) Mwa vyaka esi dhoovanene ninovuwihaga miselu nimulabihedhaga jw.org, vina ejoya enonikamihedha walaleya Omwene attu matxikwi na matxikwi—vamodha nafiyedhaga abale ankala dhilabo dhinkooddihiwa mabasa ehu.
4. Masasanyedho gani a makamaka anlabihedha iyo?
4 Nlogo na Yehova ninokosa masasanyedho amakamaka wi nivuwihe miselu dha Omwene. Motagiha vari va vyaka ya-1990, nihikosa guru ya wunuwiha mabasa ehu a olaleya numba na numba vina olaleya mimburo dha vattaddo, mwego munvegiwa, vina mmamisika. Ovanenevi, ninokosaga onamoona wamakamaka mwari mwa sidadi dhinddimuwa mpule munkala attu owinjiva orugunuwa elabo yotene. Mowenjedhedha, milogo dhinji dhinovahaga onamoona wa vattaddo vamuruddani vawa modheela olabihedha meza na vego vowikavo manivuru akalaga munviriwa attu enji. Txibarene, ninodhowihavi mabasa olaleya numba na numba ninga elobo yottiddeelana mabasa ehu.—Merelo 20:20.
5. Gari gani enanivahe yaka eji eswa ya mabasa?
5 Wag’ane Osogorho: Omaromo wa yaka ya mabasa mweri wa Setembro enjene anele oroma olaba ninga apionero mudhidhi wotene. Ogahiziveliwa okala vamodha na awene? Akala kunawodhe, mudhidhi bu mudhidhi weyo poddi ovilebeliha wi okale pionero wokamihedha? Mohaganyedha akala onowodha obe kunwodha okala pionero, Yehova txibarene onele oreliha guru enkosiwe wi olaleye Omwene.—Mal 3:10.
6. Mweri wa Otuburu wa 2014 onakaleleni wavawoka?
6 Mweri wa Otuburu wa 2014 onele okala yaka enakose Omwene vyaka100. Sentinela wa vattaddo wa mweri obuwene onele osekeserha mitoma dha Omwene wa Mulugu. Kito sabwaya jani kunkosa guru ninga munkosa enji egawodheya? Mudhidhi onag’ana iyo osogorho muttu muttu wa iyo adhowevi bagalaleya miselu dhapama dha Omwene wa Mulugu wa abale otene anavuruwane.—Merelo 8:12.