Kalagiha ‘Dhilobo Dhapama’ Modheela Okala Namakela Aleddo (Mt. 12:35a)
Mohaganyedha iyo notene ninofanyeela ologa dhilobo dhapama modheela ofara mukalelo wa ‘ozuzumela wawakela aleddo’. (Rom. 12:13) Anddimuwa a mulogo anofanyeela okalela vasogorho modheela okosa masasanyedho wi awakelege aleddo vina awiyihedhege muttengo ompitxani mwari mwa oleddo wa anamakosa diskursu anwobiwa. Noona txino ninofiyedha okoodda wawakela aleddo sabwa ya dhilobo dhinidhugudha obe txino ninokala wowubuwela yawila ninanvahe elobo gani. Nigeeka mmirimani malago a Yezu anvahile iyene Marta, anonikamihedha okwaranya dhubuwelo ninga eso. (Luka 10:39-42) Iyene wahiloga wi ‘epaddi yapama’ ya wazuzumela aleddo ji mandano vamodha na olibihana, kahiyo yoja ya muttengo munddimuwa obe okaana numba yokoddeletxa. Modheela olabihedha mabasa malagoya abo, iyo notene ninele okaana ‘dhilobo dhapama’ na abalihu mowiwanana na Mazu a Mulugu.—3 Joau 5-8.